20
ТМД елдерінің Халықаралық бакалавриат мектептері қауымдастығының «Білім беру мәдениеттің ерекше ортасы» атты XVI жыл сайынғы халықаралық конференциясы 27-29 cәуір аралығында Ташкент қаласының VOSIQ халықаралық мектебінде өтті.
Конференция білім беру жүйесін дамыту, жетілдіру үшін ХБ халықаралық мектептерімен тәжірибе алмасу, ХБ бағдарламасының негізгі тармақтарын зерделеу және талқылау мақсатында өтті.
Конференцияның негізгі миссиясы – ХБ мектептерін қолдау және өзара көмек көрсету үшін білім беру ұйымдары мен мекемелерінің қоғамдастығын құру. Конференция жалпы пленарлық отырыстарды және түрлі бағыттағы мұғалімдерге арналған секциялар қамтыды.
Мектебімізден конференцияға Ахмадиева Қ.Т., Сұлтанғазин Ә.А., Кундакбаев Д.М., Мергалимова М.Б., Жувашева А.Д., Жаксипаева А.С., Ерботина А.А., Флюк В.П., Кусаинова М.К., Өрлеу Н., Дырынбаева Б.Қ., Төлегенова А.З., Рахимжанова Б.Б., Ажмолдаев Г.Ф., Молдашева Г.Ш. қатысып, «Оқу және оқыту», «Инклюзивті білім және әл-ауқат», «Көшбасшылық және әкімшілік», «Білім беру технологиясы және инновация» бағыттары бойынша әртүрлі тақырыптарда тәжірибе алмасты.
Конференцияда ХБ бағдарламалары бойынша жұмыс істейтін әртүрлі деңгейдегі оқу орындарының мұғалімдері мен жетекшілері тәжірибе алмасып, студенттерді оқыту мен оқытудың өзекті мәселелерін талқылады.
Ерекше атап өтетін марапат – халықаралық деңгейде PYP конференциясын өткізгені үшін «Даңқ залы» құрметіне ие болу, бұл біздің мектеп үшін үлкен жетістік болды.
